Komdu með út í geim Stefán Þór Hjartarson skrifar 10. apríl 2017 10:00 Þeir Halldór og Úlfur segjast hafa haft áhuga á svipuðum hlutum í gegnum tíðina, en þeir eru til dæmis báðir tónlistarmenn. Vísir/Stefán „Að mínu mati hefur tónlist og geimurinn alltaf haft einhverja tengingu. Í fornöld var tónfræði og stjörnufræði alltaf sama fagið. Menn trúðu því að það væru sömu lögmál á bakvið það hvernig stjörnurnar virkuðu og þau sem eru á bakvið tónfræðina. Ég held að þetta sé pínu tilviljun að við séum báðir með verkefni sem eru tengd geimnum svona – en við höfum svo sem haft áhuga á svipuðum hlutum í gegnum tíðina,“ segir tónskáldið Úlfur Eldjárn en hann og Halldór bróðir hans eru báðir að fara að senda frá sér verkefni sem tengjast geimnum – Úlfur fjallar um Voyager-verkefnið og Halldór um Apollo.Hvaðan kemur þessi hugmynd um geiminn hjá ykkur? „Í mínu verkefni var þetta þannig að ég var kominn með vísi að sólóverkefni, en það var alltaf pínu stefnuleysi í því sem ég var að gera. Svo allt í einu datt ég inn á það að gera konsertplötu sem væri með einhverskonar geimferða- og vísindaskáldsögu-þema og að platan sjálf væri konsertverk en ekki beint með popplögum og ekki heldur kvikmyndatónlistarplata. Þetta var konseptið sem mig vantaði til að vita hvað ég væri að gera,“ segir Úlfur og bætir við: „Hugmyndin kom líka að einhverju leyti frá því að vera að búa til hljóðheim úr analog hljómborðum, það er náttúrulega svolítið sci-fi-legt, það er vísindaskáldskapur í því hljóði. Geimurinn er endalaus innblástur líka. Ég fór að kynna mér aðeins geimferðir og Juri Gagarin,fyrsta geimfarann og ég varð til dæmis mjög innblásinn af því að lesa skýringu á því sem hann sagði þegar hann var úti í geimnum og sá jörðina þaðan í fyrsta skiptið. Verkefnið hans Halldórs er með allt öðruvísi tengingu við geiminn...“ „Verkefnið mitt heitir Poco Apollo og er í rauninni hálfpartinn tónverk og hálfpartinn innsetning sem verður aðgengilegt á netinu. NASA gaf út allar myndir sem voru teknar í Apollo-geimferðunum og byggist verkið á þeim. Það var farið alveg fjórum eða fimm sinnum til tunglsins og geimfararnir tóku ljósmyndir allan tímann til að búa til eins mikið efni og hægt var. Þetta mikla safn telur 14.000 ljósmyndir.Ég fékk þá hugmynd að búa til forrit eða vefsíðu sem getur tekið þessar myndir og búið til lítið tónverk við hverja einustu mynd með ákveðnum stærðfræði- og forritunarreglum. Útkoman verður sú að maður getur farið inn á þessa síðu, séð handahófskennda mynd og hlustað á tónverkið sem verður til út frá myndinni. Það kemur alltaf sama lag við hverja mynd, en þau eru öll frekar ólík, þannig að ég er búinn að búa til forskrift af fjórtán þúsund litlum tónverkum,“ segir Halldór Eldjárn en verkið hans kemur út 11. apríl og verður því hrint úr vör með hátíðlegri athöfn. „Ég verð með opnunarsýningu á verkinu. Það verður í gangi á Mengi á Óðinsgötu frá klukkan fimm til tíu og það verður „ribbon cutting ceremony“ klukkan fimm, þar sem ég mun opna vefsíðuna eins og embættismenn gerðu alltaf árið 1997. Ég verð með skæri og mun klippa á ethernet snúru sem opnar vefsíðuna formlega.“ Platan hans Úlfs kemur svo aftur á móti út daginn eftir eða þann 12. Apríl. Hægt er að hala niður laginu Bon Voyage á ulfureldjarn.com og síðan mun vera hægt að nálgast verkefni Halldórs á hdor.isEn eruði ekkert að vinna saman bræðurnir? „Jú. Ég er að búa til einskonar 3D upplifun af einu af lögunum af plötunni hans. Það er næsta útgáfa en það er ekki alveg tilbúið,“ segir Halldór og Úlfur bætir við, „Við erum líka að bralla ýmislegt annað saman, sem er rosalega spennandi. Sumt af því eru nú háleynilegir hlutir sem við þorum ekki að segja frá alveg strax því kannski misheppnast þeir algjörlega.“ Mest lesið „Endurtek í sífellu: Ég vil ekki deyja, ég vil ekki deyja“ Áskorun Tíminn sem fór í að ræða perra inni í hreyfingunni með ólíkindum Lífið Átta ára með sinn eigin bíl á bílasýningu á Akureyri Lífið „Þetta lag minnir mig alltaf á að hafa tapað Idolinu“ Lífið „Gaman hvað verið er að tala fallega um samstarfsfólkið mitt“ Bíó og sjónvarp Inga Tinna og Logi greina frá kyni barnsins Lífið „Ég hef aldrei reynt að verða nokkur skapaður hlutur“ Tónlist „Þetta er enginn helvítis félagskvíði, það bara þolir mig enginn“ Áskorun Segir hjálminum að þakka að hann sé á lífi Lífið Þjóðarsálin í reiðhöllinni Lífið Fleiri fréttir „Þetta lag minnir mig alltaf á að hafa tapað Idolinu“ Tíminn sem fór í að ræða perra inni í hreyfingunni með ólíkindum Átta ára með sinn eigin bíl á bílasýningu á Akureyri Heilmikil skemmtidagskrá og samsöngur á Þingvöllum í dag Inga Tinna og Logi greina frá kyni barnsins Segir hjálminum að þakka að hann sé á lífi Krakkatían: Níu líf, karfan og víkingar Hvers vegna tölum við um bongóblíðu? Tólf klukkustunda gjörningur í Hörpu í dag Torfbærinn í Vesturbænum sem stóð fram á níunda áratuginn Bubbi hrærður: Trúir því að Níu líf muni á endanum vakna að nýju Fréttatía vikunnar: Skúlptúrar, ráðherrarifrildi og EM Arnar Þór selur Arnarneshöllina Á 90 þúsund servíettur í Hafnarfirði Heiður Ósk og Davíð eru nýtt par Fékk skyndihugmynd og er nú í blómahafi heima fyrir Einstakur Fender Telecaster í Hljóðfærahúsinu Fólk ferðist alla leið frá Ástralíu til að sækja Víkingahátíðina Tignarleg miðbæjaríbúð Helgu Ólafs til sölu Íslensk lopapeysa flutt milli heimsálfa vegna mestu eftirsjár ævinnar Breytti hænsnahúsi í verkstæði sitt Teknóhátíð á Radar alla helgina Enn neisti hjá Bad Bunny og Kendall Jenner Banjóleikari frá Nashville með Baggalúti og Sinfó Hugsar hlýtt til áranna í Los Angeles Aníta Briem og Hafþór eiga von á barni Selur húsið í Garðabæ eftir kaupin á glæsihúsi Ingu Lindar Sjö daga afmælissæla í Reykjanesbæ Þrjú hundruð börn reyna að dorga furðulegasta fiskinn Bara 33 ára og lífið á eftir að koma í ljós Sjá meira
„Að mínu mati hefur tónlist og geimurinn alltaf haft einhverja tengingu. Í fornöld var tónfræði og stjörnufræði alltaf sama fagið. Menn trúðu því að það væru sömu lögmál á bakvið það hvernig stjörnurnar virkuðu og þau sem eru á bakvið tónfræðina. Ég held að þetta sé pínu tilviljun að við séum báðir með verkefni sem eru tengd geimnum svona – en við höfum svo sem haft áhuga á svipuðum hlutum í gegnum tíðina,“ segir tónskáldið Úlfur Eldjárn en hann og Halldór bróðir hans eru báðir að fara að senda frá sér verkefni sem tengjast geimnum – Úlfur fjallar um Voyager-verkefnið og Halldór um Apollo.Hvaðan kemur þessi hugmynd um geiminn hjá ykkur? „Í mínu verkefni var þetta þannig að ég var kominn með vísi að sólóverkefni, en það var alltaf pínu stefnuleysi í því sem ég var að gera. Svo allt í einu datt ég inn á það að gera konsertplötu sem væri með einhverskonar geimferða- og vísindaskáldsögu-þema og að platan sjálf væri konsertverk en ekki beint með popplögum og ekki heldur kvikmyndatónlistarplata. Þetta var konseptið sem mig vantaði til að vita hvað ég væri að gera,“ segir Úlfur og bætir við: „Hugmyndin kom líka að einhverju leyti frá því að vera að búa til hljóðheim úr analog hljómborðum, það er náttúrulega svolítið sci-fi-legt, það er vísindaskáldskapur í því hljóði. Geimurinn er endalaus innblástur líka. Ég fór að kynna mér aðeins geimferðir og Juri Gagarin,fyrsta geimfarann og ég varð til dæmis mjög innblásinn af því að lesa skýringu á því sem hann sagði þegar hann var úti í geimnum og sá jörðina þaðan í fyrsta skiptið. Verkefnið hans Halldórs er með allt öðruvísi tengingu við geiminn...“ „Verkefnið mitt heitir Poco Apollo og er í rauninni hálfpartinn tónverk og hálfpartinn innsetning sem verður aðgengilegt á netinu. NASA gaf út allar myndir sem voru teknar í Apollo-geimferðunum og byggist verkið á þeim. Það var farið alveg fjórum eða fimm sinnum til tunglsins og geimfararnir tóku ljósmyndir allan tímann til að búa til eins mikið efni og hægt var. Þetta mikla safn telur 14.000 ljósmyndir.Ég fékk þá hugmynd að búa til forrit eða vefsíðu sem getur tekið þessar myndir og búið til lítið tónverk við hverja einustu mynd með ákveðnum stærðfræði- og forritunarreglum. Útkoman verður sú að maður getur farið inn á þessa síðu, séð handahófskennda mynd og hlustað á tónverkið sem verður til út frá myndinni. Það kemur alltaf sama lag við hverja mynd, en þau eru öll frekar ólík, þannig að ég er búinn að búa til forskrift af fjórtán þúsund litlum tónverkum,“ segir Halldór Eldjárn en verkið hans kemur út 11. apríl og verður því hrint úr vör með hátíðlegri athöfn. „Ég verð með opnunarsýningu á verkinu. Það verður í gangi á Mengi á Óðinsgötu frá klukkan fimm til tíu og það verður „ribbon cutting ceremony“ klukkan fimm, þar sem ég mun opna vefsíðuna eins og embættismenn gerðu alltaf árið 1997. Ég verð með skæri og mun klippa á ethernet snúru sem opnar vefsíðuna formlega.“ Platan hans Úlfs kemur svo aftur á móti út daginn eftir eða þann 12. Apríl. Hægt er að hala niður laginu Bon Voyage á ulfureldjarn.com og síðan mun vera hægt að nálgast verkefni Halldórs á hdor.isEn eruði ekkert að vinna saman bræðurnir? „Jú. Ég er að búa til einskonar 3D upplifun af einu af lögunum af plötunni hans. Það er næsta útgáfa en það er ekki alveg tilbúið,“ segir Halldór og Úlfur bætir við, „Við erum líka að bralla ýmislegt annað saman, sem er rosalega spennandi. Sumt af því eru nú háleynilegir hlutir sem við þorum ekki að segja frá alveg strax því kannski misheppnast þeir algjörlega.“
Mest lesið „Endurtek í sífellu: Ég vil ekki deyja, ég vil ekki deyja“ Áskorun Tíminn sem fór í að ræða perra inni í hreyfingunni með ólíkindum Lífið Átta ára með sinn eigin bíl á bílasýningu á Akureyri Lífið „Þetta lag minnir mig alltaf á að hafa tapað Idolinu“ Lífið „Gaman hvað verið er að tala fallega um samstarfsfólkið mitt“ Bíó og sjónvarp Inga Tinna og Logi greina frá kyni barnsins Lífið „Ég hef aldrei reynt að verða nokkur skapaður hlutur“ Tónlist „Þetta er enginn helvítis félagskvíði, það bara þolir mig enginn“ Áskorun Segir hjálminum að þakka að hann sé á lífi Lífið Þjóðarsálin í reiðhöllinni Lífið Fleiri fréttir „Þetta lag minnir mig alltaf á að hafa tapað Idolinu“ Tíminn sem fór í að ræða perra inni í hreyfingunni með ólíkindum Átta ára með sinn eigin bíl á bílasýningu á Akureyri Heilmikil skemmtidagskrá og samsöngur á Þingvöllum í dag Inga Tinna og Logi greina frá kyni barnsins Segir hjálminum að þakka að hann sé á lífi Krakkatían: Níu líf, karfan og víkingar Hvers vegna tölum við um bongóblíðu? Tólf klukkustunda gjörningur í Hörpu í dag Torfbærinn í Vesturbænum sem stóð fram á níunda áratuginn Bubbi hrærður: Trúir því að Níu líf muni á endanum vakna að nýju Fréttatía vikunnar: Skúlptúrar, ráðherrarifrildi og EM Arnar Þór selur Arnarneshöllina Á 90 þúsund servíettur í Hafnarfirði Heiður Ósk og Davíð eru nýtt par Fékk skyndihugmynd og er nú í blómahafi heima fyrir Einstakur Fender Telecaster í Hljóðfærahúsinu Fólk ferðist alla leið frá Ástralíu til að sækja Víkingahátíðina Tignarleg miðbæjaríbúð Helgu Ólafs til sölu Íslensk lopapeysa flutt milli heimsálfa vegna mestu eftirsjár ævinnar Breytti hænsnahúsi í verkstæði sitt Teknóhátíð á Radar alla helgina Enn neisti hjá Bad Bunny og Kendall Jenner Banjóleikari frá Nashville með Baggalúti og Sinfó Hugsar hlýtt til áranna í Los Angeles Aníta Briem og Hafþór eiga von á barni Selur húsið í Garðabæ eftir kaupin á glæsihúsi Ingu Lindar Sjö daga afmælissæla í Reykjanesbæ Þrjú hundruð börn reyna að dorga furðulegasta fiskinn Bara 33 ára og lífið á eftir að koma í ljós Sjá meira