Kvöldfréttir Stöðvar 2 í beinni

Ragnar Þór Ingólfsson, sem vann stórsigur í formannskjöri hjá VR, ætlar að fara fram á að laun hans verði lækkuð um þrjú hundruð þúsund krónur á mánuði. Hann segir SALEK samkomulagið dautt og ætlar ekki að setjast í miðstjórn Alþýðusambandsins með núverandi forystu þess.

Ólafía B. Rafnsdóttir, fráfarandi formaður, segir úrslitin koma á óvart. Rætt verður við þau í fréttum Stöðvar tvö klukkan hálf sjö.

Þar fáum við líka til okkar góða gesti og ræðum vilja Donald Trump til að skera niður framlög Bandaríkjanna til Sameinuðu þjóðanna, um helming.