Sjálf­stæðis­flokkurinn sam­þykkti ríkis­stjórnar­sam­starfið

Flokksráð Sjálfstæðisflokksins hefur samþykkt ríkisstjórnarsamstarf flokksins nýrrar ríkisstjórnar við Viðreisn og Bjarta framtíð. Ráðið fundaði í Valhöll í kvöld þar sem farið var yfir lokadrög að stjórnarsáttmála en það gerðu einnig stjórn Bjartrar framtíðar og ráðgjafaráð Viðreisnar. Þeim fundum er ekki lokið.

Í samtali við Vísi eftir fundinn sagði Bjarni Benediktsson, formaður Sjálfstæðisflokksins, að stjórnarsáttmálinn hafi lagst vel í fundarmenn. Hann hafi verið samþykktur með lófataki.

Flokksráð samþykkti í kvöld tillögu @Bjarni_Ben, formanns, um ríkisstjórnarsamstarf við @vidreisn og @bjortframtid. pic.twitter.com/Hu6ZuRNVI0

— Sjálfstæðisflokkur (@sjalfstaedis) January 9, 2017