Fyrsta rúta sinnar tegundar á Íslandi

Svokölluð særúta, sem bæði siglir og keyrir, er komin til landsins en hún er fyrsta rúta sinnar tegundar á landinu. Framkvæmdastjóri Kynnisferða, Kristján Daníelsson, segir að nú sé undirbúningur skemmtiferða með rútunni í fullum gangi en hún var sjóprófuð í gær.

Ferðaþjónustufyrirtækið Kynnisferðir flutti rútuna til landsins og stefna á að hefja skemmtiferðir í Reykjavík á næstunni. Í gær var rútan sjóprófuð í höfninni í Reykjavík.

Enn á eftir að ganga frá ýmsu, til að mynda innréttingum, leyfis- og öryggismálum en Kristján segist vonast til að það verði hægt að hefja skemmtiferðir sem fyrst. Hægt er að sjá viðtal við Kristján í spilaranum hér að ofan.