Konu bjargað úr sjónum við höfnina á Granda

Bíll fór í sjóinn við höfnina á Granda um klukkan tíu í kvöld. Ein kona var í bílnum og tókst lögreglu og slökkviliði að ná henni úr bílnum skömmu eftir að bíllinn fór í sjóinn.

Lögreglan vildi lítið tjá sig um málið en staðfesti að konan hafi verið með meðvitund þegar henni var bjargað og yrði henni væntanlega ekki meint af því að hafa hafnað í sjónum.

Lögreglan var enn á störfum á vettvangi þegar Vísir náði tali af henni. Er nú verið að ganga úr skugga um að fleiri hafi ekki verið í bílnum er hann fór í sjóinn. Er þó talið að konan hafi verið ein á ferð.