Zlatan Ibrahimovic mun samkvæmt heimildum fréttamiðilsins Yahoo í Frakklandi hafa ákveðið að vera um kyrrt hjá PSG og að hann muni skrifa undir eins árs framlengingu á samningi sínum.
Núverandi samningur Zlatan við PSG rennur út í sumar og var jafnvel reiknað með því að hann myndi leita á önnur mið í sumar.
En samkvæmt Yahoo hafa forráðamenn PSG boðið Zlatan afar hagstæðan samning sem gildir í eitt ár. Eftir það stendur honum til boða að gerast sendiherra fyrir félagið.
Sjá einnig: Er Zlatan að fara til Englands
„Leikmaðurinn hefur ákveðið að halda áfram ævintýri sínu í París,“ segir í frétt Yahoo en sænskir fjölmiðlar hafa einnig tekið málið upp.
Félög víða um heim munu hafa sýnt Zlatan áhuga, svo sem lið í Kína, Bnadaríkjunum, Englandi sem og bæði AC Milan og Inter á Ítalíu.
Zlatan er 34 ára og hefur verið hjá PSG síðan 2012. Þar hefur hann skorað 96 mörk í 111 leikjum.
„Zlatan hefur ákveðið sig“
Tengdar fréttir
Er Zlatan að fara til Englands?
Enskir fjölmiðlar velta því fyrir sér í dag hvort Zlatan Ibrahimovic ætli sér að koma til Englands næsta sumar efir svörin sem hann gaf þeim eftir leik PSG og Chelsea.
PSG fer með eins marks forskot til Lundúna | Sjáðu mörkin
Edison Cavani tryggði Paris Saint-Germain sigur á móti Chelsea í Meistaradeildinni.
