Er Zlatan að fara til Englands?

Enskir fjölmiðlar velta því fyrir sér í dag hvort Zlatan Ibrahimovic ætli sér að koma til Englands næsta sumar efir svörin sem hann gaf þeim eftir leik PSG og Chelsea.

„Ég á eftir þrjá mánuði hér og hvað gerist svo? Stórir hlutir,“ sagði Zlatan dulur við ensku pressuna sem gekk á hann og spurði hvort það þýddi að hann væri á leið til Englands.

„Við skulum bara segja að ég sé í góðu formi.“

Samningur Zlatans við PSG rennur sitt skeið næsta sumar. Svíinn hefur unnið titla í fjórum löndum en aldrei spilað á Englandi.

Næsta sem hann hefur komist ensku deildinni er þegar hann fór til reynslu hjá Arsenal sem ungur maður.