Ótrúleg mistök markvarðar | Myndband

Altyn Asyr frá Túrkmenistan byrjaði vel í Meistaradeild Asíu í fótbolta í gær þegar liðið lagði Al Ahed frá Líbanon, 2-0, í fyrsta leik A-riðils.

Hassan Bittar, markvörður Al Ahed, vill væntanlega gleyma leiknum sem fyrst, en hann fékk á sig ótrúlegt klaufamark eftir klukkutíma leik.

Nour Mansour, liðsfélagi Bittar, renndi þá boltanum til baka á markvörðinn sem mistókst að stöðva hann og endaði boltinn í netinu. Bittar gerði heiðarlega tilraun til að stökkva á eftir boltanum en allt kom fyrir ekki.

Þetta skrautlega mark má sjá í spilaranum hér að neðan eða með því að smella hér.