Enski boltinn

Lescott biðst afsökunar á bílamyndinni

Ingvi Þór Sæmundsson skrifar
Lescott hefur átt betri daga en í gær.
Lescott hefur átt betri daga en í gær. vísir/getty
Stuðningsmenn Aston Villa urðu æfir eftir að varnarmaðurinn Joleon Lescott birti mynd af rándýrum sportbíl á Twitter, skömmu eftir niðurlægjandi 0-6 tap botnliðsins fyrir Liverpool í gær.

Stuðningsmennirnir voru skiljanlega ósáttir eftir þennan skell og tístið hjá Lescott gerði ekkert til að minnka óánægju þeirra. Varnarmaðurinn reyndi heldur því þó fram að tístið hafi birst fyrir slysni og baðst afsökunar á því á Twitter.







„Ég er ekki einn af þeim sem tísti eftir leiki, hvernig svo sem úrslitin eru. Þetta var algjört slys, þetta gerðist þegar ég var að keyra heim frá vellinum og síminn minn var í vasanum,“ sagði Lescott um tístið neyðarlega sem sýndi Mercedes-AMG S 63 Coupe sportbíl sem kostar hvorki meira né minna en 125.000 pund.

Lescott baðst einnig afsökunar á skelfilegri frammistöðu Villa-liðsins sem er nú átta stigum frá öruggu sæti þegar 12 umferðum er ólokið í ensku úrvalsdeildinni.

„Liverpool var betra liðið í dag (í gær) en það afsakar ekki frammistöðu mína og liðsins. Ég bið stuðningsmennina afsökunar,“ tísti Lescott sem kom til Villa frá West Brom fyrir tímabilið.

Enski boltinn

Mest lesið


Fleiri fréttir

Sjá meira


×

Mest lesið