Íslenskir þingmenn skora á Pólverja að draga frumvarpið til baka

Ásta Guðrún Helgadóttir þingmaður Pírata hefur skrifað opið bréf til þingmanna pólska þingsins vegna fyrirhugaðrar lagasetningar þar í landi sem gerir fóstureyðingar ólöglegar og gengur þannig gróflega gegn mannréttindum. Mikil mótmæli hafa geysað meðal Pólverja í dag vegna frumvarpsins en Íslendingar sýndu Pólverjum samstöðu með mótmælum á Austurvelli í dag.

Þrjátíu þingmenn hafa þegar skrifað undir bréfið og koma þeir úr öllum flokkum á Alþingi. Í tilkynningu frá Pírötum segir að fleiri undirskriftir eigi mögulega eftir að bætast við.

Í bréfinu eru þingmenn í Póllandi hvattir til þess að standa vörð um sjálfsákvörðunarrétt kvenna, kvenréttindi og jafnrétti til heibrigðisþjónustu, þar með talið skipulags á fjölskylduhögum. Íslensku þingmennirnir lýsa í bréfinu þungum áhyggjum af lagafrumvarpinu og skora á pólska þingmenn að afturkalla það. 

„Við viljum minna pólska þingið á hina sameiginlegu alþjóðlegu ábyrgð og skyldu sem bæði Ísland og Pólland bera til þess að útrýma öllu misrétti gagnvart konum,“ segir meðal annars í bréfinu.

„...við höfum hug á því að koma á framfæri viðhorfum okkar þess efnis að öruggar fóstureyðingar eru nauðsynlegur þáttur í rétti kvenna til andlegs og líkamlegs sjálfræðis,“ segir enn fremur.

Þeir þingmenn sem undirrituðu bréfið voru:

Ásta Guðrún Helgadóttir, (P)

Svandís Svavarsdóttir, (V)

Oddný Harðardóttir, (S)

Sigríður Ingibjörg Ingadóttir, (S)

Guðmundur Steingrímsson, (A)

Björt Ólafsdóttir, (A)

Brynhildur Pétursdóttir, (A)

Ögmundur Jónasson, (V)

Jóhanna María Sigmundsdóttir, (B)

Össur Skarphéðinsson, (S)

Helgi Hrafn Gunnarsson, (P)

Katrín Jakobsdóttir, (V)

Óttarr Proppé, (Æ)

Birgitta Jónsdóttir, (P)

Katrín Júlíusdóttir, (S)

Ólína Kjerúlf Þórðardóttir, (S)

Árni Páll Árnason, (S)

Elsa Lára Arnardóttir, (B)

Líneik Anna Sævarsdóttir, (B)

Karl Garðarsson, (B)

Páll Valur Björnsson, (A)

Steinunn Þóra Árnadóttir, (V)

Helgi Hjörvar, (S)

Róbert Marshall, (A)

Birgir Ármansson, (B)

Bjarkey Olsen Gunnarsdóttir, (V)

Steingrímur J. Sigfússon, (V)

Silja Dögg Gunnarsdóttir, (B)

Kristján L. Möller, (S)

Unnur Brá Konráðsdóttir, (D)