Vésteinn Valgarðsson leiðir lista Alþýðufylkingarinnar í Reykjavíkurkjördæmi norður

Vésteinn Valgarðsson mun leiða lista Alþýðufylkingarinnar í Reykjavíkurkjördæmi norður í komandi kosningum. Vésteinn er fæddur árið 1980 og hefur starfað sem stuðningsfulltrúi á endurhæfingargeðdeild Landspítalans á Kleppi síðan árið 2001. Hann er sagnfræðingur að mennt.

Í tilkynningu frá flokknum segir að Vésteinn hafi lengi verið virkur í félagsstörfum og stjórnmálum, meðal annars í Félaginu Ísland-Palestínu, Samtökum hernaðarandstæðinga og Vantrú. Auk þess er Vésteinn varaformaður Alþýðufylkingarinnar.