Ögmundur: „Því hærri laun sem þú borgar, því vitlausara fólk færðu í vinnu“

Ögmundur Jónasson og Birgir Ármannsson alþingismenn mættu í Sprengjusand í morgun til þess að ræða hversu há lægstu laun eigi að vera. Það var Heimir Karlsson sem ræddi við þá en hann er tímabundinn umsjónarmaður þáttanna þar til að eftirmaður Páls Magnússonar finnst.

Umræðan hófst á því að ræða lítillega laun forsætisráðherra og annarra ráðamanna en Ögmundur, sem er þingmaður Vinstri grænna, reyndi sitt til þess að beina umræðuna á aðrar slóðir.

„Það að einblína á kjör ráðherra, forsætisráðherra og forseta í þessari umræðu er að leiða hana á villigötur. Því hærri laun sem þú borgar, því vitlausara fólk færðu til starfa ég er alveg sannfærður um það,“ sagði Ögmundur en sló sér svo strax þann varnagla að þar hafi verið um grín að ræða.

Sammála um margt en greinir á um aðferðir

Báðir virtust þeir sammála um að bæta þyrfti kjör lægst launaðra í landinu þrátt fyrir að þeim greindi á um aðferðirnar.

Birgir, þingmaður Sjálfstæðisflokksins, sagði ástandið hafa lagast á síðustu árum og að kaupmáttaraukning hafi verið veruleg í öllum tekjuhópum.

Þegar kom að því að ræða mál öryrkja og aldraða virtust báðir vera sammála um að þar gætu stjórnvöld gert mun betur. Báðir virtust þeir sammála um að kerfið væri of flókið en aftur greindi þá á um aðferðir til betrumbóta.

Birgir talaði um Pétur Blöndal heitinn hafi stýrt vinnu sem fælist í því að endurskoða kerfið.

„Það þarf að skoða skerðingar sem geta komið óréttlátlegt út. Svo þarf að skoða hvort það sé ekki hægt að einfalda þetta kerfi til þess að gera það gegnsæra,“ sagði Birgir.

Margt fleira kom fram í spjalli ráðherranna í Sprengjusandi en það má heyra í heild sinni hér að ofan.