Bein útsending: Kvöldfréttir Stöðvar 2

Rúmlega 23 þúsund aldraðir og öryrkjar greiddu rúmlega tvöfalt meira í tannlæknakostnað í fyrra en reglugerð heilbrigðisráðherra kveður á um.

Þannig braut íslenska ríkið á þessu fólki á síðasta ári með því að láta það bera hærri hluta eigin kostnaðar en því er skylt. Nánar verður fjallað um þetta í kvöldfréttum Stöðvar 2 klukkan hálfsjö.

Í fréttatímanum fjöllum við líka um breytt landslag í sölu fíkniefna sem blasir við lögreglunni en salan hefur færst mjög mikið á internetið og samfélagsmiðla. Lögreglan á höfuðborgarsvæðinu handtók fyrir skömmu tuttugu manns sem seldu fíkniefni á samfélagsmiðlum og lokuðu í samstarfi við Facebook áttatíu sölusíðum í kjölfarið.

Við sendum fréttatímann út í beinni frá Selfossi að þessu sinni og segjum ykkur frá áformum Vegagerðarinnar um breikkun vegarins milli Hveragerðis og Selfoss en um er að ræða einn hættulegasta vegarkafla landsins.