Dregið úr viðbúnaði á Keflavíkurflugvelli

Ríkislögreglustjóri og lögreglustjórinn á Suðurnesjum hafa ákveðið að draga úr vopnuðum viðbúnaði á Keflavíkurflugvelli sem komið var á vegna hryðjuverkanna í Brussel.

Í færslu á vef lögreglunnar segir að þessi ákvörðun byggist á framvindu mála í Evrópu en að hún kunni að taka breytingum með skömmum fyrirvara.

Sjá einnig: Sérsveitarmenn í Leifsstöð

Eftirlit á Keflavíkurflugvelli var aukið strax eftir að fregnir bárust af hryðujuverkunum í Brussel í Belgíu þann 22. mars síðastliðinn.

Tveir aukamenn voru sendir á vettvang strax um morguninn til að halda uppi löggæslu. Í kjölfarið voru vopnaðir lögreglumenn og sérsveitarmenn sendir á vettvang og voru þeir síðarnefndu hinum fyrrnefndu til aðstoðar.