Duncan Ferguson gjaldþrota

Everton-goðsögnin Duncan Ferguson hefur verið dæmdur gjaldþrota af hæstarétti í London.

Þessi grjótharði framherji mokaði inn peningum sem leikmaður á sínum tíma en þeir peningar dugðu ekki lengi.

Hann reynir þó að vinna fyrir sér sem þjálfari hjá Everton en hann er í þjálfarateymi félagsins og situr á bekknum á leikjum liðsins.

Ferguson er sagður skulda skatta og yfirvöld munu nú gera eignir hans og verðmæti upptæk til þess að ná upp í skuldirnar.

Er Ferguson var að spila í ensku úrvalsdeildinni þá var hann með að minnsta kosti 5,5 milljónir króna í vikulaun.