Conte er efstur á óskalista Chelsea

Chelsea er í leit að framtíðarstjóra félagsins en Guus Hiddink var aðeins ráðinn út þessa leiktíð.

Nú segir Daily Mail að landsliðsþjálfari Ítalíu, Antonio Conte, sé efstur á blaði hjá Roman Abramovich, eiganda Chelsea.

Hermt er að forráðamenn Chelsea hafi hitt Conte að máli fyrir jól. Hann sé tilbúinn að yfirgefa Ítalíu næsta sumar og koma til Englands. Hann ku víst vera farinn að læra ensku þess utan.

Conte vann ítölsku deildina þrisvar sem þjálfari Juventus. Hann vann deildina líka fimm sinnum sem leikmaður.

Samningur Conte við ítalska knattspyrnusambandið rennur út eftir EM næsta sumar.