Framlag til að kynna Borg

Þorbjörn Hlynur Árnason, sóknarprestur á Borg á Mýrum, á að fá endurskoðun á ellefu ára gömlum samningi sínum við Borgarbyggð um fjárframlag gegn því að kynna staðinn fyrir gestum.

Þorbjörn samdi við Borgarbyggð síðla árs 2005 um að hann fengi 200 þúsund krónur árlega til að sjá um móttöku ferðamanna sem koma að Borg á Mýrum, sýna þeim staðinn og kynna sögu hans. Samningurinn var vísitölutryggður og er framlagið samkvæmt því í dag tæpar 360 þúsund krónur.

„Byggðarráð lýsir yfir ánægju sinni með mikinn áhuga ferðafólks fyrir kirkjustaðnum á Borg á Mýrum og hvernig staðið er að kynningu á staðnum,“ segir byggðarráð og vísar endurskoðun samningsins til vinnuhóps um mótum stefnu í ferðaþjónustu.

Fréttin birtist fyrst í Fréttablaðinu.