Kristín litla systir skemmtilegust

Björn Helgi, oftast kallaður Bjössi, segist hlakka til sumarsins.

Hann býr í London, en ætlar að koma til Íslands að heimsækja vini sína og fjölskyldu í sumar.

„Ég ætla að fara á fótboltaæfingar á Íslandi með Bjarka vini mínum. Svo æfi ég líka alltaf tennis í London með bestu vinum mínum, Benjamin og Sebastian.“

Aðspurður hvað honum finnist skemmtilegast að gera er hann fljótur til svars: „Fótbolti. Svo finnst mér líka skemmtilegt að leika við litlu systur mína, Kristínu.“

Bjössi hlakkar til að komast í sumarfrí, en hvað finnst honum skemmtilegast í skólanum?

„Leikvöllurinn í skólanum er mjög skemmtilegur. En mér finnst líka skemmtilegt að lesa og æfa stafina.“

Að lokum bætir hann við að uppáhaldsmaturinn sinn sé hamborgari og spagettí.