Frakkar aflýstu kvöldverði forseta því Íranir vildu ekki vín

Frakkar eru sagðir hafa hætt við formlegt matarboð Frakklandsforseta og forseta Írans, Hassans Rouhani. Rouhani er á leið í opinbera heimsókn til Evrópu og til stóð að hann myndi snæða kvöldverð með Francois Hollande forseta Frakklands.

Dagblaðið Independent greinir hinsvegar frá því að þegar í ljós hafi komið að Íranir kröfðust þess að vín yrði ekki á boðstólum í boðinu af trúarástæðum, hafi Frakkarnir fremur ákveðið að hætta við allt saman, enda fátt heilagara í þeirra augum en gott rauðvín. Leiðtogarnir munu því aðeins hittast á fundi, en ekki snæða saman.