Liggur þungt haldin á gjörgæslu

Konan sem fannst í Reykjavíkurhöfn í gærdag liggur þungt haldin á gjörgæsludeild Landspítalans, að sögn vakthafandi læknis.

Konunni var bjargað úr sjónum um fimmleytið síðdegis í gær eftir að lögreglu barst tilkynning um að bíl hefði verið ekið í höfnina. Talið er að konan hafi verið allt að hálftíma í sjónum.

Sjá einnig: Bíll fór út í Reykjavíkurhöfn.

Í kjölfarið hófst leit lögreglu, slökkviliðs og kafara í höfninni til þess að ganga úr skugga um að ekki hefðu verið fleiri í bílnum. Konan reyndist hafa verið ein í bílnum.

Sjónarvottar sögðu skott bílsins hafa verið opið þegar bíllinn keyrði fram af brúninni.