Endeavour enn á Ísafirði

Rannsóknaskipið Endeavour er enn á Ísafirði, eftir að Landhelgisgæslan beindi því þangað fyrr í vikunni þar sem það hafði verið við óheimilar rannsóknir um 60 sjómílur vestur af Ísafjarðardjúpi. 

Skipverjar sögðust hafa verið við dýptarmælingar í leit að skipsflökum en mörg slík eru á þessum slóðum síðan úr síðari heimsstyrjöldinni. Rannsóknarleyfi þarf til slíkrar leitar innan 200 mílna efnahagslögsögunnar. 

Fréttastofu er ekki kunnugt um hvort tekið verður á málinu sem lögbroti.