Ferðamaðurinn fundinn

Maðurinn sem björgunarsveitir hafa leitað að í kvöld er kominn í leitirnar heill á húfi. Hann hafði gengið í ranga átt, frá Gullborgarhelli og að Oddastaðavatni. Þar kom hann að fólki sem hafði sett niður hjólhýsi sitt við vatnið. Fólkið vissi af leitinni og hringdi í lögreglu.  

Í fréttatilkynningu frá Landsbjörgu kemur fram að mikill viðbúnaður hafi verið hjá björgunarsveitum. Var það meðal ananrs vegna þess að gert var ráð fyrir að leita þyrfti í hellum á Gullborgarhrauninu. Á níunda tug manna við leit, og fleiri á leiðinni, þegar maðurinn kom fram.