Netanyahu og Bennett semja um myndun nýrrar stjórnar

Benjamin Netanyahu, forsætisráðherra Ísraels, og Naftali Bennett, leiðtogi hægriflokksins Heimilis gyðinga, hafa náð samkomulagi um myndun nýrrar ríkisstjórnar. Frestur til að mynda nýja ríkisstjórn átti að renna út í kvöld.

Likud-flokkur Netanyahu og Heimili gyðinga eru saman með mjög tæpan meirihluta á ísraelska þinginu, eða 61 þingsæti af 120.

Greint verður frá nýjum stjórnarsáttmála flokkanna í næstu viku.

Likud vann sigur í ísraelsku þingkosningunum sem fram fóru í Ísrael þann 17. mars og hafa stjórnarmyndunarviðræður dregist á langinn.