Maður með vöðvarýrnun kláraði Bostonmaraþonið tuttugu tímum eftir ræsingu

Venesúelskur maður sem þjáist af vöðvarýrnun var heiðraður í ráðhúsi Boston í gær eftir að hafa lokið Bostonmaraþoninu tuttugu tímum eftir að var ræst.

Mikill fjöldi fólks fylgdi hinum 39 ára Maickel Melamed í mark klukkan 5 á þriðjudagsmorgninum þar sem hann þafði þurft að þola úrhellisrigningu, þrumuveður, vind og kulda á leiðinni.

„Saga hans er sannalega hvatning til annarra,“ sagði Marty Walsh borgarstjóri þegar hann afhenti honum verðlaunapening fyrir þátttöku sína í hlaupinu.

Melamed þakkaði íbúum borgarinnar fyrir að hafa tekið svo vel á móti honum og þeim sem fylgdu honum síðasta spölinn.

Sjúkdómur Melamed hefur mikil áhrif á hreyfigetu hans. Þrátt fyrir það var þetta í fimmta sinn sem Melamed tekur þátt í maraþoni. Áður hafði hann tekið þátt í maraþonunum í Chicago, New York, Berlín og Tokyo.

Sjá má sjónvarpsfrétt WCVB um þennan magnaða mann í spilaranum að neðan.

Last night I watched a report by Jorge Quiroga about a man from Venezuela who was still running the marathon long after...

Posted by Michael Blanchard on Tuesday, 21 April 2015