Dæmd í fangelsi: Hóf að skjóta vegna þess að beikonið gleymdist

Kona frá Michigan í Bandaríkjunum hefur verið dæmd í þriggja til sjö ára fangelsi vegna þess að hún hóf að skjóta á McDonalds veitingastað þegar að starfsmenn staðarins gleymdu í tvígang að setja beikon á borgarana hennar. Atvikið átti sér stað í febrúar á síðasta ári.

Samkvæmt AP-fréttaveitunni varð konan, sem er þrítug og heitir Shaneka Torres, reið í fyrstu þegar beikonið vantaði á hamborgar sem hún keypti í bílalúgu á McDonalds. Hún fékk fría máltíð vegna mistakanna en þá kom í ljós að beikonið hafði gleymst aftur. Þá öskraði hún á starfsmann staðarins, dró byssu upp úr veskinu sínu og hóf að skjóta af handahófi. Enginn slasaðist í atvikinu.

Á þriðjudag dæmdi Paul Sullivan dómari hana í eins til fimm ára fangelsi fyrir að skjóta á byggingu og við það bættust tvö ár vegna þess að hún hafði skotvopn undir höndum.

Torres segist sjá eftir atvikinu en að það sé „búið og gert.“