Tíu létu krossfesta sig í tilefni dagsins

Minnst tíu menn létu krossfesta sig í Pampagna á Filippseyjum í dag, föstudaginn langa, til að minnast þjáninga krists.

Grímuklæddir menn börðu sér á bak og gengu um götur bæjarins. Þar er hefð fyrir miklum trúarákafa sem lýsir sér á þennan hátt og fylgdist á fjórða þúsund með athöfninni. Viðburðurinn er árviss og vekur ávallt heimsathygli. Hann laðar að sér mikinn fjölda ferðamanna en í fyrsta skipti í ár er ferðamönnum óheimilt að láta krossfesta sig. Áður en krossfestingin fer fram lætur fólk húðstrýkja sig til blóðs og er það svo neglt á krossa sem búið er að reisa.

Kaþólska kirkja hefur ekki lagt blessun sína á þessi uppátæki enda er hér um að ræða blöndu af bænagjörð kristinna manna og filippeyskri alþýðutrú á fórnir.

Í Jerúsalem létu menn sér það nægja að koma saman og ganga eftir götum borgarinnar, eftir Via Dolorosa til grafarkirkjunnar. Kirkjan er byggð á staðnum þar sem menn álíta að Golgata hæð hafi verið, þar sem Jesús var krossfestur og grafinn. Sumur báru krossa eftir leiðinni.

Tilefni er til að vara við eftirfarandi myndskeiði.