Netanjahú segist sjá eftir ummælum um araba

Benjamín Netanjahú forsætisráðherra Ísraels hefur beðist afsökunar á ummælum sem hann lét falla í kosningabaráttunni þegar hann varaði við því að arabar væru að kjósa í miklu meira mæli en áður.

Þetta sagði hann í Facebook skilaboðum til stuðningsmanna sinna á kjördag og fullyrti að hægri stjórnin í landinu væri í hættu þar sem vinstri mennirnir hefðu fengið arabana til að mæta í hópum á kjörstað.

Því yrðu allir hægri menn að taka þátt, en arabar eru um 20 prósent íbúa Ísraels. Vinstra bandalagið sem Netanjahú var að tala um hefur þegar hafnað afsökunarbeiðninni.