Innlent

Barnleysi skilyrði fyrir leiguíbúðum

Þórhildur Þorkelsdóttir skrifar
D æ mi eru um a ð  leigusalar setji sem skilyr ð i a ð  f ó lk eigi ekki b ö rn  þ egar  í b úð ir eru leig ð ar  ú t. Talsma ð ur Leigjendasamtakanna segir a ð  b ö rn s é u  þ annig dregin  í  dilka me ð  g æ lud ý rum.



Lilja Björg Ólafsdóttir hefur verið á leigumarkaði í nokkur ár en neyddist til að flytja inn til foreldra sinna þegar hún missti íbúð sem hún leigði fyrir einu og hálfu ári. Síðan þá hefur hún leitað að húsnæði við hæfi fyrir sig og þriggja ára dóttur sína. Það hefur gengið brösuglega og upp á síðkastið hefur hún orðið vör við að leigusalar taki sérstaklega fram að börn séu ekki velkomin. Yfirleitt sé óskað eftir einstakling eða pari í húsnæði sem gæti hentað þeim mæðgum. 

„Ég held að þetta sé oftast vegna þess að fólk er að spá í skemmdarverkum. Börn geta auðvitað krotað á veggi en hælaskór og partýstand getur líka skemmt gólf. Einstaklingur eða par er ekkert endilega ávísun á betri leigjendur,“ segir Lilja.

Lilja segir að staðan sé afar erfið fyrir einstæða foreldra á leigumarkaði, og þá sér í lagi þá sem eru ekki í félagslegum íbúðum. 

„Leiguverðið er brjálæði og samkeppnin líka. Svo þegar maður kannski sér íbúð á skikkanlegu verði sem gæti hentað þá eru börn ekki velkomin,“ segir hún. 

Ásta Hafberg, talskona Leigjendasamtakanna segir að fleiri dæmi séu um að börn séu ekki velkomin í leiguhúsnæði. Það sé skýrt dæmi um stöðuna á leigumarkaðnum, þar sem eftirspurn er meiri en framboð.

„Þetta er ekki mjög algengt en þetta hefur samt greinilega verið að aukast og við höfum fengið fyrirspurnir um þetta. Auðvitað eru gæludýr oft ekki leyfð en það er kannski orðið undarlegt þegar börn eru sett á sama stað og gæludýr, að þau séu ekki leyfð í leiguhúsnæði,“ segir Ásta. 

Mest lesið


Fleiri fréttir

Sjá meira


×

Mest lesið