Fengu hrossakjöt í steikarsamloku: „Við erum ekki að fela neitt“ Kolbeinn Tumi Daðason skrifar 24. febrúar 2015 20:30 "Við getum ráðið því hvaða kjöt er í steikarsamloku. Þess vegna er það ekki nefnt,“ segir framkvæmdastjóri Kringlukrárinnar. Vísir Þórdís Lilja Bergs og eiginmaður hennar gerðu sér glaðan dag og skelltu sér út að borða í hádeginu. Kringlukráin varð fyrir valinu og steikarsamloka pöntuð. Þórdísi brá hins vegar í brún skömmu eftir að hún hafði pantað. Þá fékk hún að vita að steikarsamlokan væri alls ekki með nautakjöti heldur hrossakjöti. „Það vita allir að það er nautakjöt í steikarsamloku,“ segir Þórdís. Þetta sé ekki í fyrsta skipti sem hún panti sér réttinn á veitingarstöðum bæjarins. Ekki hafi komið fram á matseðlinum að um hrossakjöt væri að ræða. Því hafi þau gert ráð fyrir að samlokan væri af hefðbundnu gerðinni, þ.e. með nautakjöti. Hún hafi ekki fengið að vita af hrossakjötinu fyrr en hún fór að spyrja þjóninn út í hvernig nautakjötið væri steikt. „Það eru svo margir sem borða ekki hross,“ segir Þórdís sem tilheyrir þeim hópi fólks. Hún hafi því pantað sér pizzu í staðinn en maðurinn hennar, sem fékk sér einmitt steikarsamloku á sama stað fyrir einhverjum mánuðum, hélt sig við pöntunina. Sú sem hann fékk þá hafði nefnilega bragðast ágætlega. Hið sama verður ekki sagt um þá sem borin var fram í hádeginu í dag að sögn Þórdísar.Boðið 10 prósenta afsláttur „Brauðið var brennt og sneiðin ofurskorpin og þunn. Hún var þurrari en allt,“ segir Þórdís Lilja. Eiginmaður hennar var ekki par sáttur, stóð upp um leið og hann sá kjötið og ræddi málin við þjóninn. „Það var ekki eins og hann hafi borðað allan réttinn og svo kvartað,“ segir Þórdís. Henni blöskraði enn frekar þegar þau bjuggu sig undir að yfirgefa veitingastaðinn. Hjónin ræddu málin við þjóninn og áttu, að sögn Þórdísar, ekki von á því að þurfa að borga fyrir steikarsamlokuna sem að þeirra sögn var ekki hæfur jafngóðu veitingahúsi og Kringlukráin eigi að heita. „Nei, þá fengum við 10 prósent afslátt!“ Aðspurð hvernig pizzan hafi bragðast segir Þórdís hana hafa verið ágæta. Það sé reyndar erfitt að klúðra pizzu.Hluti af matseðli Kringlukrárinnar.Ekki að fela neitt Sophus Sigþórsson, framkvæmdastjóri Kringlukrárinnar, segir í samtali við Vísi að hann hafi heyrt af málinu. Það var hins vegar hans skilningur að þjónninn hefði tilkynnt þeim um hrossakjötið að fyrra bragði ólíkt því sem Þórdís og eiginmaður hennar fullyrða. Raunar sé um að ræða folaldafillet. „Það er engin skilgreining sem segir að það eigi að vera nautakjöt í steikarsamloku,“ segir Sophus. Aðspurður hvort ekki væri eðlilegast að upplýsa á matseðlinum að hrossakjöt eða folaldafillet væri í steikarsamlokunni ítrekar Sophus að staðurinn sé alls ekki að reyna að fela neitt. Yfirleitt sé fólki sagt hvernig kjöt sé í samlokunni.Fyrsta skipti sem athugasemd er gerð Á matseðli Kringlukrárinnar heitir rétturinn „Steikarsamloka Bernaise með sveppum, svissuðum lauk & frönskum kartöflum.“. Hins vegar er boðið upp á meðal annars klúbbsamloku þar sem tilgreint er á matseðlinum að kjúklingur sé kjötið í samlokunni. Væri ekki auðveldast að bæta þeim upplýsingum við matseðilinn fólki til upplýsingar? „Við getum ráðið því hvaða kjöt er í steikarsamloku. Þess vegna er það ekki nefnt,“ segir Sophus. Aðspurður hvort þeir skipti reglulega út kjöttegundum í steikarlokunni segir Sophus folaldafillet hafa verið á boðstólnum undanfarin misseri. Annars sé það yfirkokksins að svara fyrir það. Sophus minnir á að veitingastaðurinn sé með kokka í fremstu röð og hafi verið rekinn á sömu kennitölu í 25 ár. Þetta sé í fyrsta skipti sem nokkur geri athugasemd við að borið sé fram hrossakjöt í steikarsamlokum staðarins. Mest lesið Lögregla komin með ágæta mynd af atburðum Innlent „Þetta er bara rétt að byrja“ Innlent Neitað um lausn gegn tryggingu og á yfir höfði sér lífstíðarfangelsi Erlent Blöskrar markaðssetning á réttum: „Þetta eru eins og jólin fyrir okkur“ Innlent Fólk hafi samband við lögreglu í stað þess að deila sögum á netinu Innlent Arnar með stöðu sakbornings og boðaður í skýrslutöku Innlent Íslendingum ekki boðið á sjónvarpsumræðu um öryggi á Norðurlöndum Innlent Lykilatriði að ræða við börnin og halda sig við staðreyndir Innlent Yazan ekki fluttur úr landi og fær efnismeðferð Innlent Talinn hafa nauðgað konu og tekið það upp Innlent Fleiri fréttir Sjálfstæðismenn í borginni vilja samræmd próf aftur Yazan fær efnismeðferð og talstöðvar sprengdar Ekki séð ástæðu til að leggjast gegn framgangi samgöngusáttmálans „Vottunin verið kölluð láglaunavottun af gárungunum“ Yazan ekki fluttur úr landi og fær efnismeðferð Fólk hafi samband við lögreglu í stað þess að deila sögum á netinu Segja ummæli Quang Le tilhæfulaus og ósönn Grænt ljós á Ekkó en ekki Baldr Sjúklingurinn þurfi að vera með í allri ákvörðunartöku Skipuð forstjóri Náttúrufræðistofnunar Tileinkuðu söng við heilbrigðisráðuneytið Yazan Eigin sannfæring útskýri sögulegan klofning Sjálfstæðismanna Lykilatriði að ræða við börnin og halda sig við staðreyndir Telur íslenska stjórnsýslu hafa brotið lög í máli Yazan Lögregla komin með ágæta mynd af atburðum Hafa auglýst stöðu sveitarstjóra lausa til umsóknar Lögmaður Yazans sakar yfirvöld um lögbrot „Þetta er bara rétt að byrja“ Um sjö milljónir söfnuðust í minningarsjóð með kertasölu Arnar með stöðu sakbornings og boðaður í skýrslutöku Forstjóri nýrrar Umhverfis- og orkustofnunar úr stóriðjunni Ráðist í aðgerðir gegn samskiptaþjónustu sem glæpamenn notuðu Blöskrar markaðssetning á réttum: „Þetta eru eins og jólin fyrir okkur“ Íslendingum ekki boðið á sjónvarpsumræðu um öryggi á Norðurlöndum „Reglur samfélagsins mega ekki vera ómanneskjulegar“ „Við erum mjög uggandi yfir stöðunni“ Talinn hafa nauðgað konu og tekið það upp Spáir viðvarandi skorti á raforku næstu fimm ár Stjórnarandstaðan notuð til uppfyllingar á Alþingi Sjálfstæðisflokkurinn þríklofinn um samgöngusáttmála Sjá meira
Þórdís Lilja Bergs og eiginmaður hennar gerðu sér glaðan dag og skelltu sér út að borða í hádeginu. Kringlukráin varð fyrir valinu og steikarsamloka pöntuð. Þórdísi brá hins vegar í brún skömmu eftir að hún hafði pantað. Þá fékk hún að vita að steikarsamlokan væri alls ekki með nautakjöti heldur hrossakjöti. „Það vita allir að það er nautakjöt í steikarsamloku,“ segir Þórdís. Þetta sé ekki í fyrsta skipti sem hún panti sér réttinn á veitingarstöðum bæjarins. Ekki hafi komið fram á matseðlinum að um hrossakjöt væri að ræða. Því hafi þau gert ráð fyrir að samlokan væri af hefðbundnu gerðinni, þ.e. með nautakjöti. Hún hafi ekki fengið að vita af hrossakjötinu fyrr en hún fór að spyrja þjóninn út í hvernig nautakjötið væri steikt. „Það eru svo margir sem borða ekki hross,“ segir Þórdís sem tilheyrir þeim hópi fólks. Hún hafi því pantað sér pizzu í staðinn en maðurinn hennar, sem fékk sér einmitt steikarsamloku á sama stað fyrir einhverjum mánuðum, hélt sig við pöntunina. Sú sem hann fékk þá hafði nefnilega bragðast ágætlega. Hið sama verður ekki sagt um þá sem borin var fram í hádeginu í dag að sögn Þórdísar.Boðið 10 prósenta afsláttur „Brauðið var brennt og sneiðin ofurskorpin og þunn. Hún var þurrari en allt,“ segir Þórdís Lilja. Eiginmaður hennar var ekki par sáttur, stóð upp um leið og hann sá kjötið og ræddi málin við þjóninn. „Það var ekki eins og hann hafi borðað allan réttinn og svo kvartað,“ segir Þórdís. Henni blöskraði enn frekar þegar þau bjuggu sig undir að yfirgefa veitingastaðinn. Hjónin ræddu málin við þjóninn og áttu, að sögn Þórdísar, ekki von á því að þurfa að borga fyrir steikarsamlokuna sem að þeirra sögn var ekki hæfur jafngóðu veitingahúsi og Kringlukráin eigi að heita. „Nei, þá fengum við 10 prósent afslátt!“ Aðspurð hvernig pizzan hafi bragðast segir Þórdís hana hafa verið ágæta. Það sé reyndar erfitt að klúðra pizzu.Hluti af matseðli Kringlukrárinnar.Ekki að fela neitt Sophus Sigþórsson, framkvæmdastjóri Kringlukrárinnar, segir í samtali við Vísi að hann hafi heyrt af málinu. Það var hins vegar hans skilningur að þjónninn hefði tilkynnt þeim um hrossakjötið að fyrra bragði ólíkt því sem Þórdís og eiginmaður hennar fullyrða. Raunar sé um að ræða folaldafillet. „Það er engin skilgreining sem segir að það eigi að vera nautakjöt í steikarsamloku,“ segir Sophus. Aðspurður hvort ekki væri eðlilegast að upplýsa á matseðlinum að hrossakjöt eða folaldafillet væri í steikarsamlokunni ítrekar Sophus að staðurinn sé alls ekki að reyna að fela neitt. Yfirleitt sé fólki sagt hvernig kjöt sé í samlokunni.Fyrsta skipti sem athugasemd er gerð Á matseðli Kringlukrárinnar heitir rétturinn „Steikarsamloka Bernaise með sveppum, svissuðum lauk & frönskum kartöflum.“. Hins vegar er boðið upp á meðal annars klúbbsamloku þar sem tilgreint er á matseðlinum að kjúklingur sé kjötið í samlokunni. Væri ekki auðveldast að bæta þeim upplýsingum við matseðilinn fólki til upplýsingar? „Við getum ráðið því hvaða kjöt er í steikarsamloku. Þess vegna er það ekki nefnt,“ segir Sophus. Aðspurður hvort þeir skipti reglulega út kjöttegundum í steikarlokunni segir Sophus folaldafillet hafa verið á boðstólnum undanfarin misseri. Annars sé það yfirkokksins að svara fyrir það. Sophus minnir á að veitingastaðurinn sé með kokka í fremstu röð og hafi verið rekinn á sömu kennitölu í 25 ár. Þetta sé í fyrsta skipti sem nokkur geri athugasemd við að borið sé fram hrossakjöt í steikarsamlokum staðarins.
Mest lesið Lögregla komin með ágæta mynd af atburðum Innlent „Þetta er bara rétt að byrja“ Innlent Neitað um lausn gegn tryggingu og á yfir höfði sér lífstíðarfangelsi Erlent Blöskrar markaðssetning á réttum: „Þetta eru eins og jólin fyrir okkur“ Innlent Fólk hafi samband við lögreglu í stað þess að deila sögum á netinu Innlent Arnar með stöðu sakbornings og boðaður í skýrslutöku Innlent Íslendingum ekki boðið á sjónvarpsumræðu um öryggi á Norðurlöndum Innlent Lykilatriði að ræða við börnin og halda sig við staðreyndir Innlent Yazan ekki fluttur úr landi og fær efnismeðferð Innlent Talinn hafa nauðgað konu og tekið það upp Innlent Fleiri fréttir Sjálfstæðismenn í borginni vilja samræmd próf aftur Yazan fær efnismeðferð og talstöðvar sprengdar Ekki séð ástæðu til að leggjast gegn framgangi samgöngusáttmálans „Vottunin verið kölluð láglaunavottun af gárungunum“ Yazan ekki fluttur úr landi og fær efnismeðferð Fólk hafi samband við lögreglu í stað þess að deila sögum á netinu Segja ummæli Quang Le tilhæfulaus og ósönn Grænt ljós á Ekkó en ekki Baldr Sjúklingurinn þurfi að vera með í allri ákvörðunartöku Skipuð forstjóri Náttúrufræðistofnunar Tileinkuðu söng við heilbrigðisráðuneytið Yazan Eigin sannfæring útskýri sögulegan klofning Sjálfstæðismanna Lykilatriði að ræða við börnin og halda sig við staðreyndir Telur íslenska stjórnsýslu hafa brotið lög í máli Yazan Lögregla komin með ágæta mynd af atburðum Hafa auglýst stöðu sveitarstjóra lausa til umsóknar Lögmaður Yazans sakar yfirvöld um lögbrot „Þetta er bara rétt að byrja“ Um sjö milljónir söfnuðust í minningarsjóð með kertasölu Arnar með stöðu sakbornings og boðaður í skýrslutöku Forstjóri nýrrar Umhverfis- og orkustofnunar úr stóriðjunni Ráðist í aðgerðir gegn samskiptaþjónustu sem glæpamenn notuðu Blöskrar markaðssetning á réttum: „Þetta eru eins og jólin fyrir okkur“ Íslendingum ekki boðið á sjónvarpsumræðu um öryggi á Norðurlöndum „Reglur samfélagsins mega ekki vera ómanneskjulegar“ „Við erum mjög uggandi yfir stöðunni“ Talinn hafa nauðgað konu og tekið það upp Spáir viðvarandi skorti á raforku næstu fimm ár Stjórnarandstaðan notuð til uppfyllingar á Alþingi Sjálfstæðisflokkurinn þríklofinn um samgöngusáttmála Sjá meira