Staðfesta að líkið var af Foley-Mendelssohn

Líkið sem fannst við Háöldu, suðvestur af Landmannalaugum fyrir viku var af Bandaríkjamanninum Nathan Samuel Foley-Mendelssohn. Þetta kemur fram í tilkynningu frá lögreglu.

Leit að Mendelsohn hófst þann 27. september í fyrra og leituðu á tímabili um 200 björgunarsveitarmenn að honum. Þá hafði ekkert heyrst frá honum í sautján daga. Hann ætlaði að ganga Laugaveginn frá Landmannalaugum í Þórsmörk og yfir Fimmvörðuháls að Skógum.

Leitarmenn nutu aðstoðar leitarhunda og notuðust við fisvélar til þess að leita að Mendelsohn. Vinir Mendelsohn komu hingað til lands til þess að hjálpa til við leitina.