Ungur maður játar ránið í Dalsnesti

Vopnað rán sem framið var í versluninni Dalsnesti 10. mars síðastliðinn er nú upplýst. Að sögn lögreglunnar hefur ungur maður verið handtekinn og játaði brot sitt.

„Hann kom hérna inn með skíðahettu eða lambhúshettu yfir höfðinu og ógnaði starfsmanninum með felgulykli“, sagði Sigurður Lárusson, eigandi verslunarinnar Dalsnesti í Hafnarfirði, þegar fréttastofa hafði samband við hann stuttu eftir ránið.

Maðurinn var tekinn í skýrslutöku en var sleppt að henni lokinni og má hann eiga von á ákæru vegna ránsins.

Hann náði pening úr búðarkassanum en hvorki eigandi verslunarinnar né lögregla vilja gefa uppi hversu mikinn pening maður hafði á brott með sér. Þýfið hefur ekki fundist.

Post by Lögreglan á höfuðborgarsvæðinu.