Hertu reglur vegna gruns um misnotkun Eva Bjarnadóttir skrifar 8. janúar 2014 07:00 Leikskóli FS. Mynd/Vilhelm Félagsstofnun stúdenta (FS) herti reglur um dagvistunarpláss fyrir stúdenta Háskóla Íslands þegar grunur varð uppi um misnotkun á þjónustu ungbarnaleikskóla stofnunarinnar. Stúdentar þurfa nú að sýna fram á lágmarks námsframvindu. Reykjavíkurborg herti einnig reglur um námsmannaafslátt vegna dagvistunar og þurfa nú báðir foreldrar að vera í námi en áður nægði að annað foreldrið væri námsmaður. Um helmingsfækkun hefur orðið á umsóknum um námsmannaafslátt í Reykjavík frá því að breytingarnar tóku gildi árið 2011. „Eftir að við heyrðum sögusagnir um að fólk væri að skrá sig í háskólann til að koma börnum í leikskólana hertum við skilyrðin fyrir leikskólavist,“ segir Rebekka Sigurðardóttir, upplýsingafulltrúi FS. „Nú er gerð krafa um lágmarks námsframvindu, svipað og hjá Stúdentagörðum, til að tryggja að þetta séu örugglega stúdentar sem séu þarna með börnin, en ekki fólk á vinnumarkaði,“ segir Rebekka, en hún segir langan biðlista vera eftir leikskólaplássum.Rebekka Sigurðardóttir, upplýsingafulltrúi FSHertar reglur tóku gildi um mitt ár 2012. Þar er gert ráð fyrir því að foreldri ljúki að minnsta kosti 40 einingum á ári, eða tveir þriðju hlutar þess sem viðkomandi háskóladeild telur eðlilega framvindu fyrir eins árs nám, segir Rebekka, en lágmarkið er átján einingar á haustönn. Þó eru veittar undanþágur ef ástæða þykir til. „Þessar reglur voru teknar upp að gefnu tilefni, enda viljum við þjóna stúdentum sem eru í fullu námi,“ bætir Rebekka við. Námsmenn sem búa í Reykjavík fá námsmannaafslátt vegna dagvistunar, en frá því árið 2011 hafa báðir foreldrar þurft að vera í fullu námi til að njóta afsláttarins. Ólíkt leikskólum FS þurfa foreldrar barna á öðrum leikskólum hins vegar ekki að sýna fram á lágmarks námsframvindu og geta því látið nægja að skrá sig í nám. Námsmenn greiða rúmar 26.000 krónur á mánuði hjá leikskólum FS, fái þeir niðurgreiðslu Reykjavíkurborgar. Þegar eingöngu annað foreldrið er í námi er gjaldið aftur á móti afar hátt eða rúmar 55.000 krónur á mánuði. Margir foreldrar velja samt sem áður að nýta sér þjónustu FS, enda önnur dagvistun einnig kostnaðarsöm og víða skortur á öðrum úrræðum fyrir þennan aldurshóp barna.Helmingsfækkun hjá Reykjavík Helmingsfækkun varð á umsóknum um námsmannaafslátt vegna dagvistunar eftir að Reykjavíkurborg breytti reglum, samkvæmt upplýsingum frá skóla- og frístundassviði Reykjavíkurborgar. Reykjavíkurborg niðurgreiðir dagvistun fyrir námsmenn, jafnt hjá leikskólum borgarinnar, sjálfstætt starfandi leikskólum og dagforeldrum. Árið 2010 ákvað borgarstjórn Reykjavíkur að gera breytingar á gjaldskrá leikskóla og var námsmannaafsláttur sambúðarfólks og hjóna, þar sem annað var í námi, felldur niður. Nú njóta um 250 námsmenn í Reykjavík afsláttar, þar af eru hundrað með börn í sjálfstætt starfandi skólum og hjá dagforeldrum. Námsmenn þurfa að leggja fram námsvottorð, en engin krafa er gerð um þeir sýni fram á eðlilega námsframvindu, líkt og gert er hjá Félagsstofnun stúdenta. Mest lesið Auglýsa eftir „eiganda“ fjármuna Innlent Trump líklegur til að græða á úrskurði Hæstaréttar Erlent Ögurstund og opnunarhóf hjá frambjóðendum Innlent Útlagar spreyjaðir gylltir Innlent Framboðslistar opinberaðir eftir helgi Innlent „Breiðholt mesta fátæktargildra landsins“ Innlent Sigríði þykir ólíklegt að hún nái undirskriftum Innlent Glæsileg þjóðbúningamessa á Hvolsvelli Innlent Helga Þórisdóttir komin með lágmarksfjölda meðmæla Innlent Pétur Einarsson leikari látinn Innlent Fleiri fréttir Framboðslistar opinberaðir eftir helgi Auglýsa eftir „eiganda“ fjármuna Glæsileg þjóðbúningamessa á Hvolsvelli Ögurstund og opnunarhóf hjá frambjóðendum Forsetaslagurinn, leit að eiganda fjármuna og rjómablíða Fjölbreytt verkefni hjá björgunarsveitum í dag Útlagar spreyjaðir gylltir Helga Þórisdóttir komin með lágmarksfjölda meðmæla Sinueldur í Reykjanesbæ Pétur Einarsson leikari látinn Kólnar á öllu landinu eftir óvenjugóðan fyrsta sumardag „Ákveðnar efasemdir um ákveðna þætti“ Fimm teravött af orku og 20 milljarðar í samgöngur Seltjarnarnesbær gengur frá sölu á Safnatröð Sigríði þykir ólíklegt að hún nái undirskriftum Umdeilt frumvarp, íslenskan og sumarveðrið Eiríkur og Bjarni takast á um nefnd um íslenska tungu Ræða mest málefni íslenskunnar á fundum enskumælandi ráðs Tíu sektaðir vegna notkunar nagladekkja „Breiðholt mesta fátæktargildra landsins“ Segir borgarstjóra óttalegan vettling Vilja taka upp auðlindagjald að hætti Norðmanna „Dapurlegt“ að andstæðingar bólusetninga hafi svo mikil áhrif Stefnir í sólríkan og hlýjan sumardag fyrsta víða um land Eigendur sjókvíaeldis þurfa ekki að greiða auðlindagjald Tveir létust í banaslysi í Eyjafirði Veturinn sá kaldasti síðan 1999 Vill rjúfa framkvæmdastopp í orkumálum Kári Stefánsson, ákall um vaxtalækkun og hinsegin list Skemmtiferðaskip um tíu metrum frá strandi við Viðey Sjá meira
Félagsstofnun stúdenta (FS) herti reglur um dagvistunarpláss fyrir stúdenta Háskóla Íslands þegar grunur varð uppi um misnotkun á þjónustu ungbarnaleikskóla stofnunarinnar. Stúdentar þurfa nú að sýna fram á lágmarks námsframvindu. Reykjavíkurborg herti einnig reglur um námsmannaafslátt vegna dagvistunar og þurfa nú báðir foreldrar að vera í námi en áður nægði að annað foreldrið væri námsmaður. Um helmingsfækkun hefur orðið á umsóknum um námsmannaafslátt í Reykjavík frá því að breytingarnar tóku gildi árið 2011. „Eftir að við heyrðum sögusagnir um að fólk væri að skrá sig í háskólann til að koma börnum í leikskólana hertum við skilyrðin fyrir leikskólavist,“ segir Rebekka Sigurðardóttir, upplýsingafulltrúi FS. „Nú er gerð krafa um lágmarks námsframvindu, svipað og hjá Stúdentagörðum, til að tryggja að þetta séu örugglega stúdentar sem séu þarna með börnin, en ekki fólk á vinnumarkaði,“ segir Rebekka, en hún segir langan biðlista vera eftir leikskólaplássum.Rebekka Sigurðardóttir, upplýsingafulltrúi FSHertar reglur tóku gildi um mitt ár 2012. Þar er gert ráð fyrir því að foreldri ljúki að minnsta kosti 40 einingum á ári, eða tveir þriðju hlutar þess sem viðkomandi háskóladeild telur eðlilega framvindu fyrir eins árs nám, segir Rebekka, en lágmarkið er átján einingar á haustönn. Þó eru veittar undanþágur ef ástæða þykir til. „Þessar reglur voru teknar upp að gefnu tilefni, enda viljum við þjóna stúdentum sem eru í fullu námi,“ bætir Rebekka við. Námsmenn sem búa í Reykjavík fá námsmannaafslátt vegna dagvistunar, en frá því árið 2011 hafa báðir foreldrar þurft að vera í fullu námi til að njóta afsláttarins. Ólíkt leikskólum FS þurfa foreldrar barna á öðrum leikskólum hins vegar ekki að sýna fram á lágmarks námsframvindu og geta því látið nægja að skrá sig í nám. Námsmenn greiða rúmar 26.000 krónur á mánuði hjá leikskólum FS, fái þeir niðurgreiðslu Reykjavíkurborgar. Þegar eingöngu annað foreldrið er í námi er gjaldið aftur á móti afar hátt eða rúmar 55.000 krónur á mánuði. Margir foreldrar velja samt sem áður að nýta sér þjónustu FS, enda önnur dagvistun einnig kostnaðarsöm og víða skortur á öðrum úrræðum fyrir þennan aldurshóp barna.Helmingsfækkun hjá Reykjavík Helmingsfækkun varð á umsóknum um námsmannaafslátt vegna dagvistunar eftir að Reykjavíkurborg breytti reglum, samkvæmt upplýsingum frá skóla- og frístundassviði Reykjavíkurborgar. Reykjavíkurborg niðurgreiðir dagvistun fyrir námsmenn, jafnt hjá leikskólum borgarinnar, sjálfstætt starfandi leikskólum og dagforeldrum. Árið 2010 ákvað borgarstjórn Reykjavíkur að gera breytingar á gjaldskrá leikskóla og var námsmannaafsláttur sambúðarfólks og hjóna, þar sem annað var í námi, felldur niður. Nú njóta um 250 námsmenn í Reykjavík afsláttar, þar af eru hundrað með börn í sjálfstætt starfandi skólum og hjá dagforeldrum. Námsmenn þurfa að leggja fram námsvottorð, en engin krafa er gerð um þeir sýni fram á eðlilega námsframvindu, líkt og gert er hjá Félagsstofnun stúdenta.
Mest lesið Auglýsa eftir „eiganda“ fjármuna Innlent Trump líklegur til að græða á úrskurði Hæstaréttar Erlent Ögurstund og opnunarhóf hjá frambjóðendum Innlent Útlagar spreyjaðir gylltir Innlent Framboðslistar opinberaðir eftir helgi Innlent „Breiðholt mesta fátæktargildra landsins“ Innlent Sigríði þykir ólíklegt að hún nái undirskriftum Innlent Glæsileg þjóðbúningamessa á Hvolsvelli Innlent Helga Þórisdóttir komin með lágmarksfjölda meðmæla Innlent Pétur Einarsson leikari látinn Innlent Fleiri fréttir Framboðslistar opinberaðir eftir helgi Auglýsa eftir „eiganda“ fjármuna Glæsileg þjóðbúningamessa á Hvolsvelli Ögurstund og opnunarhóf hjá frambjóðendum Forsetaslagurinn, leit að eiganda fjármuna og rjómablíða Fjölbreytt verkefni hjá björgunarsveitum í dag Útlagar spreyjaðir gylltir Helga Þórisdóttir komin með lágmarksfjölda meðmæla Sinueldur í Reykjanesbæ Pétur Einarsson leikari látinn Kólnar á öllu landinu eftir óvenjugóðan fyrsta sumardag „Ákveðnar efasemdir um ákveðna þætti“ Fimm teravött af orku og 20 milljarðar í samgöngur Seltjarnarnesbær gengur frá sölu á Safnatröð Sigríði þykir ólíklegt að hún nái undirskriftum Umdeilt frumvarp, íslenskan og sumarveðrið Eiríkur og Bjarni takast á um nefnd um íslenska tungu Ræða mest málefni íslenskunnar á fundum enskumælandi ráðs Tíu sektaðir vegna notkunar nagladekkja „Breiðholt mesta fátæktargildra landsins“ Segir borgarstjóra óttalegan vettling Vilja taka upp auðlindagjald að hætti Norðmanna „Dapurlegt“ að andstæðingar bólusetninga hafi svo mikil áhrif Stefnir í sólríkan og hlýjan sumardag fyrsta víða um land Eigendur sjókvíaeldis þurfa ekki að greiða auðlindagjald Tveir létust í banaslysi í Eyjafirði Veturinn sá kaldasti síðan 1999 Vill rjúfa framkvæmdastopp í orkumálum Kári Stefánsson, ákall um vaxtalækkun og hinsegin list Skemmtiferðaskip um tíu metrum frá strandi við Viðey Sjá meira