Hallbjörn dæmdur í þriggja ára fangelsi

Hallbjörn Hjartarson tónlistar- og veitingarmaður var dæmdur í þriggja ára fangelsi í Héraðsdómi Norðurlands Vestra í dag fyrir kynferðisbrot gegn tveimur drengjum. Rúv greindi frá þessu í dag. 

Hallbjörn vildi ekki tjá sig um dóminn þegar Vísir leitaði eftir viðbrögðum hans og sagðist hann ekki hafa verið viðstaddur þegar dómur var upp kveðinn.

Hallbjörn var í upphafi kærður fyrir brot gegn fjórum drengjum en ekki var ákært í tveimur málanna þar sem ekki er talið líklegt að þau myndu leiða til sakfellingar.

Tveir piltar, átján og nítján ára, réðust á Hallbjörn í fyrra. Annar piltanna er barnabarn Hallbjörns. Fram hefur komið að árásin tengist því að Hallbjörn hafi misnotað barnabörn sín kynferðislega.