Króatar sækja upp kantana | Myndband

Strákarnir í HM-Messuni litu á sóknarleik Króata í leik liðsins gegn Brasilíu á dögunum. Króatía mætir Kamerún í kvöld og er leikurinn í beinni á Stöð 2 Sport.

Guðmundur Benediktsson, Hjörvar Hafliðason og Óskar Hrafn Þorvaldsson bentu á augljósa veikleika í varnarleik Brasilíumanna í leiknum og hvernig Króatar reyndu að notfæra sér þá.

Króatar sóttu sífellt á sóknarsinnuðu bakverði Brasilíumanna og fengu góð færi í upphafi leiks. Gestirnir komust yfir eftir að hafa sótt upp vinstri kantinn þar sem hægri bakvörður Brasilíu, Dani Alves, var hvergi sjáanlegur.

Myndbandið má sjá í spilaranum hér fyrir ofan.