Giggs og Louis van Gaal funda í Hollandi í dag

Óskar Ófeigur Jónsson skrifar 14. maí 2014 08:00

BBC segir frá því í morgun að Ryan Giggs sé á leið til Hollands þar sem hann ætli að hitta Louis van Gaal í dag en enskir miðlar telja það nánast öruggt að Van Gaal setjist í stjórastólinn hjá Manchester United.

Ryan Giggs ætlar að hitta Louis van Gaal til að fara yfir sína stöðu hjá félaginu en líklegt þykir að van Gaal vilji hafa Giggs í þjálfaraliði sínu.

Ryan Giggs tók við liði Manchester United þegar David Moyes var rekinn í apríl en Giggs er ekki enn búinn að setja skóna sína upp á hillu og gæti einnig haldið áfram að spila næsta vetur.

Giggs verður ekki einn í för til Hollands en með honum verður varastjórnarformaðurinn Ed Woodward. Þeir munu hitta Louis van Gaal í æfingabúðum hollenska landsliðsins í Hoenderloo en þetta er hvíldardagur hjá Hollendingum.

Louis van Gaal er kominn á fullt í að undirbúa hollenska landsliðið fyrir HM í Brasilíu í sumar. BBC hefur heimildir fyrir því að Manchester United leggi nú ofurkapp að ganga frá stjóramálum sínum sem fyrst.

Enski boltinn

Tengdar fréttir

Hjartnæm kveðjustund Vidic | Myndband

Ryan Giggs og Nemanja Vidic ávörpuðu stuðningsmenn Manchester United í gær.

7. maí 2014 17:30

Átján ára nýliði með tvö mörk í sigri Manchester United | Myndband

Manchester United vann 3-1 sigur á Hull City á Old Trafford í kvöld í síðasta heimaleik liðsins í ensku úrvalsdeildinni á leiktíðinni og mögulega 963. og síðasta leik Ryan Giggs fyrir félagið.

6. maí 2014 18:15

Wilson skoraði í fyrsta leiknum sínum á Old Trafford - myndband

Hinn 18 ára gamli James Wilson var ekki lengi að skora í sínum fyrsta leik með aðalliði Manchester United en hann fékk tækifærið í ensku úrvalsdeildinni í kvöld.

6. maí 2014 19:27

Bruce: Ég skal taka Giggs á frjálsri sölu

Fyrrverandi miðvörður Manchester United meira en til í að fá Ryan Giggs til Hull en telur hann hafa hlutverki að gegna á Old Trafford sama þótt Louis van Gaal taki við.

6. maí 2014 09:45

Giggs skipti sjálfum sér inn á völlinn - myndband

Ryan Giggs, starfandi knattspyrnustjóri Manchester United, lék væntanlega sinn síðasta leik fyrir félagið í kvöld þegar hann kom inn á sem varamaður í síðasta heimaleik tímabilsins á móti Hull í ensku úrvalsdeildinni.

6. maí 2014 20:19

Nýr stjóri ekki ráðinn í vikunni

Louis van Gaal er sterklega orðaður við stjórastarfið á Old Trafford.

7. maí 2014 11:15

Giggs gaf ekkert upp um framtíð sína í þakkarræðu eftir leik

Ryan Giggs stýrði Manchester United til 3-1 sigurs á Hull í kvöld í síðasta heimaleik liðsins í ensku úrvalsdeildinni á tímabilinu en það sem meira er hann skipti sjálfum sér inn á völlinn tuttugu mínútum fyrir leikslok í hugsanlega síðasta leik sínum í búningi United. Eftir leikinn hélt hann þakkaræðu á miðju vallarins alveg eins og Sir Alex Ferguson fyrir ári síðan.

6. maí 2014 21:21