Wilson skoraði í fyrsta leiknum sínum á Old Trafford - myndband

Óskar Ófeigur Jónsson skrifar 6. maí 2014 19:27

Hinn 18 ára gamli James Wilson var ekki lengi að skora í sínum fyrsta leik með aðalliði Manchester United en hann fékk tækifærið í ensku úrvalsdeildinni í kvöld.

Ryan Giggs setti strákinn í byrjunarliðið á móti Hull á Old Trafford og Wilson kom United-liðinu í 1-0 með marki á 31. mínútu.

Wilson hefur raðað inn mörkum með 21 árs liði Manchester United og það hefur lengið verið pískrað um þennan efnilega strák með stuðningsmanna United.

Wilson skoraði markið sitt með skoti úr teignum eftir að Marouane Fellaini skallaði aukaspyrnu Adnan Januzaj til hans. Það er hægt að sjá markið hans hér fyrir ofan.

Wilson bætti síðan við öðru marki í seinni hálfleik og varð þar með fyrsti nýliði Manchester United í tæp tíu ár til að skora meira en eitt mark í sínum fyrsta leik fyrir félagið.

Enski boltinn

Tengdar fréttir

Átján ára nýliði með tvö mörk í sigri Manchester United | Myndband

Manchester United vann 3-1 sigur á Hull City á Old Trafford í kvöld í síðasta heimaleik liðsins í ensku úrvalsdeildinni á leiktíðinni og mögulega 963. og síðasta leik Ryan Giggs fyrir félagið.

6. maí 2014 18:15

Giggs skipti sjálfum sér inn á völlinn - myndband

Ryan Giggs, starfandi knattspyrnustjóri Manchester United, lék væntanlega sinn síðasta leik fyrir félagið í kvöld þegar hann kom inn á sem varamaður í síðasta heimaleik tímabilsins á móti Hull í ensku úrvalsdeildinni.

6. maí 2014 20:19

Ekki gerst síðan í fyrsta leik Rooney - Hver er þessi Wilson? | Myndband

Hinn 18 ára gamli James Wilson sló í gegn í kvöld í sínum fyrsta leik í búningi Manchester United en hann skoraði þá tvö mörk í 3-1 sigri á Hull í síðasta heimaleik Manchester United á Old Trafford á leiktíðinni.

6. maí 2014 21:54

Giggs gaf ekkert upp um framtíð sína í þakkarræðu eftir leik

Ryan Giggs stýrði Manchester United til 3-1 sigurs á Hull í kvöld í síðasta heimaleik liðsins í ensku úrvalsdeildinni á tímabilinu en það sem meira er hann skipti sjálfum sér inn á völlinn tuttugu mínútum fyrir leikslok í hugsanlega síðasta leik sínum í búningi United. Eftir leikinn hélt hann þakkaræðu á miðju vallarins alveg eins og Sir Alex Ferguson fyrir ári síðan.

6. maí 2014 21:21