Obama heimilar könnunarflug yfir Sýrlandi

Obama Bandaríkjaforseti hefur heimilað flughernum að fara í könnunarflug yfir Sýrland til þess að fylgjast með aðgerðum vígamannanna í hinu Íslamska ríki.

Bandaríkjamenn hafa gert loftárásir á bækistöðvar þeirra í Írak en ekki í Sýrlandi þar sem þeir stjórna stórum landsvæðum og berjast við stjórnarher Bashar al-Assad forseta. Nú takast sérfræðingar í Washington á um hvernig hægt sé að valda usla hjá öfgamönnunum án þess að það komi Assad forseta til góða.

Í fyrstu verður aðeins um könnunarflug að ræða en talið að heimild forsetans sé fyrsta skrefið að lofthernaði inna Sýrlensku landamæranna.