Ný bæjarstjórn í Hornafirði

Bæjarfulltrúar Þriðja framboðsins og Sjálfstæðisflokksins hafa gert með sér samkomulag um meirihlutasamstarf í Sveitarfélaginu Hornafirði.

Í yfirlýsingu frá framboðunum segir að meginmarkmið nýrrar bæjarstjórnar verði að viðhalda og efla grunnþjónustu við íbúa.

„Aukið gegnsæi og íbúalýðræði verður eitt af leiðarljósum í starfi bæjarstjórnar. Leitast skal við að hafa gott samstarf milli allra bæjarfulltrúa óháð flokki og tryggja að sjónarmið allra komi að borðinu,“ segir í yfirlýsingunni.