Ferskir fætur gætu hjálpað Bandaríkjunum

Claudio Reyna, fyrrverandi fyrirliði bandaríska landsliðsins, telur að bandaríska landsliðið eigi ágætis möguleika á að komast í sextán liða úrslitin á HM annað mótið í röð.

Reyna sem tók þátt í þremur stórmótum fyrir hönd Bandaríkjanna telur að ferskir fætur bandaríska liðsins gætu hjálpað. Deildarkeppnin í Bandaríkjunum hefst í mars og eru margir leikmenn því ekki að ljúka löngu og ströngu tímabili.

Bandaríkin eru í erfiðum riðli með Þýskalandi, Portúgal og Ghana. Aron Jóhannsson verður í eldlínunni með bandaríska liðinu þegar þeir mæta Ghana í kvöld í fyrsta leik G-riðilsins.

„Það þarf fullkomna leiki en að komast áfram í útsláttarkeppnina er möguleiki. Leikmenn Þýskalands og Portúgal eru búnir að spila í marga mánuði og eru að glíma við meiðsli fyrir vikið. Ferskir fætur bandaríska liðsins gætu hjálpað,“ sagði Reyna.

Stöð 2 Sport 2 verður með 18 leiki í beinni frá HM í Brasilíu, þar af alla leiki Arons Jóhannssonar. Gummi Ben verður svo með HM-messu þar sem sérfræðingar fara yfir leiki dagsins og hita upp fyrir leik kvöldsins.

Kynntu þér málið nánar á 365.is.