Stýrimaður sofandi þegar Akrafell strandaði

Stýrimaður sem var á vakt þegar Akrafell strandaði undan Vatt­ar­nesi á laugardag viðurkenndi við skýrslutöku í gær að hafa verið sofandi.

Þetta staðfesti Jón Arelíus Ingólfsson, rannsóknarstjóri rannsóknarnefndar samgönguslysa, í samtali við Vísi. Skipið var á sjálfstýringu þegar það strandaði en lögreglan tók í gær skýrslur af skipstjóra, yfirstýrimanni og yfirvélstjóra en ekki liggur fyrir hvenær rannsókn verður lokið.

Skipverjar voru látnir blása í áfengismæla stuttu eftir strandið og var enginn undir áhrifum áfengis. Skipverjar eru allir erlendir ríkisborgarar , Rússar, Úkraínumenn og Litháar.