Er sambandið alveg búið?

Leikaraparið Jason Segel og Michelle Williams er hætt saman ef marka má nýjustu fréttir. Parið byrjaði saman í byrjun síðasta árs en var nokkuð lengi að staðfesta samband sitt opinberlega. Þau hafa ávallt haldið einkalífi sínu frá kastljósi fjölmiðla en síðast sást til parsins saman að fagna áramótunum í Mexíkó.

Á meðan á ástarsambandinu stóð hefur Segel kynnst dóttur Williams, Mathildu, vel en faðir hennar er leikarinn sálugi Heath Ledger. Ástæðan fyrir sambandsslitunum ku vera ströng dagskrá hjá báðum leikurunum en Williams er þessa dagana að kynna nýjustu mynd sína Oz: The Great and Powerful.