Baywatch-sundbolurinn smellpassar enn

Bjútíbomban Carmen Electra gerði sér lítið fyrir og smellti sér í gamla Baywatch-sundbolinn fyrir tímaritið In Touch en pían hefur ekki mátað hann í fimmtán ár.

"Mér leið stórkostlega þegar ég fór í hann. Mér líður betur núna en mér leið þegar ég var 25 ára!" segir hin fertuga Carmen í viðtali við tímaritið.

Carmen var ein helsta stjarna sjónvarpsþáttanna sem fjölluðu um ástir og örlög lífvarða á ströndinni. Þótti hún afar kynþokkafull og þykir enn en hún borðar helst prótein og grænmeti til að halda sér í formi.

"Ég er enn með agann sem ég lærði í ballett þegar ég var að alast upp."

Þú gætir unnið - vertu með okkur á Facebook.