Arnold Schwarzenegger á deiti

Stórleikarinn Arnold Schwarzenegger hefur sést á tveimur stefnumótum með fagri ljósku í Santa Monica uppá síðkastið. Ekki er ljóst hver dularfulla konan er en það virðist fara mjög vel á með þeim.

Arnold og konan fóru út að borða á veitingastaðnum Babalu á föstudaginn og fengu sér síðan hádegismat á veitingastaðnum Fig á sunnudaginn.

Þau virtust skemmta sér konunglega saman á báðum stefnumótunum og aldrei að vita nema alvara sé á ferð.

Maria Shriver, eiginkona Arnolds, sótti um skilnað á síðasta ári eftir 25 ára hjónaband eftir að upp komst að Arnold hefði haldið við húshjálpina og eignast með henni barn.

Þú gætir unnið - vertu með okkur á Facebook.