Með fjölskyldu á heilanum

Leikkonan Rachel Bilson er í forsíðuviðtali í nýjasta tölublaði bandaríska Cosmopolitan. Þar talar hún opinskátt um samband sitt við leikarann Hayden Christensen en parið hefur verið saman síðan árið 2007.

„Ég er með fjölskylduna á heilanum og sé fyrir mér mörg börn í framtíðinni. Ég vona að það rætist,“ segir Bilson og bætir við að hún sé mjög góð kærasta. „Ég er mjög góð kærasta og hef ávallt sett það í fyrsta sæti í lífinu.“

Bilson leikur þessa dagana aðalhlutverkið í sjónvarpsþáttunum Hart of Dixie sem eru vinsælir vestanhafs.