Best klæddu konur vikunnar

Það var í mörg horn að líta þegar kom að fallegum klæðaburði í vikunni. Þessar þrjár voru þær best klæddu að mati lífsins í þetta sinn, en stjörnurnar höfðu í nógu að snúast eins og vanalega og klæðnaðurinn fjölbreyttur eftir því.

Jessica Alba hefur vakið mikla athygli fyrir flottan klæðaburð upp á síðkastið. Hér er hún við daglegt amstur í rifnum gallabuxum og gulri peysu, mjög flott hversdagsátfitt.

Alexa Chung er alltaf smart. Hér er hún í einföldum svörtum kjól og hvítum bol undir á viðburði í MoMa safninu í New York í vikunni.

Ginnifer Goodwin mætti í þessum æðislega ferskjulitaða kjól á frumsýningu í Los Angeles á dögunum. Liturinn fór einstaklega vel við stutta hárið.