Ný mynd um Jim Morrison

Ný heimildarmynd um söngvarann sáluga úr The Doors, Jim Morrison, er í undirbúningi. Myndin nefnist Before the End: Jim Morrison Comes of Age og fjallar um hvers konar manneskja Morrison var. Áherslan er því ekki á goðsögnina Morrison.

Margir ástvinir söngvarans ræða í fyrsta sinn opinberlega um hann í myndinni, þar á meðal bróðir hans Andy Morrison, herbergisfélagi hans úr Florida State-háskólanum, Bryan Gates, og einnig aðalleikarinn í kvikmynd sem Morrison bjó til í skólanum, Elizabeth Buckner. Í myndinni verða sýnd heimamyndbönd sem hafa ekki áður birst og fjölskylduljósmyndir.