Mick Jagger vill ekki rita endurminningar sínar.

Mick Jagger, söngvari The Rolling Stones, segist ekki hafa neinn áhuga á að rita endurminningar sínar.

„Ég vil ekki gera það. Það er stutt síðan ég var beðinn um það. Ég ætlaði að gera það fyrir góðan pening á níunda áratugnum eða snemma á þeim tíunda. Ég byrjaði að skrifa en það var svo niðurdrepandi og leiðinlegt að þurfa að kafa ofan í fortíðina,“ sagði Jagger við tímaritið Q. „Þau vildu að ég skrifaði um fólk sem var náið mér og opinberaði alls kyns leyndarmál. Ég áttaði mig á því að ég vildi þetta ekki. Þannig að ég hætti og borgaði peninginn til baka.“