Leikur flugvél

Örlög teiknimyndarinnar Planes áttu að vera þau að myndin yrði frumsýnd á DVD. Þegar framleiðendurnir, Disney og Pixar, fengu leikarana Val Kilmer og Anthony Edwards til að tala inn á myndina breyttust þau áform. Þökk sé þeim félögum verður myndin þess í stað sýnd í þrívídd í kvikmyndahúsum.

Kilmer og Edwards ljá herflugvélunum Bravo og Echo röddu sína, en þeir félagar léku einmitt flugmennina Tom „Iceman“ Kazansky og Nick „Goose“ Bradshaw í klassíkinni Top Gun með Tom Cruise í aðalhlutverki. Planes segir frá einhreyfilsvélinni Dusty sem dreymir um að ferðast heiminn og keppa í hraðflugi. Myndin verður frumsýnd í Bandaríkjunum þann 16. ágúst.