Fékk eyra inn um lúguna

Söngvarinn og leikarinn Jared Leto fékk sérstakan aðdáendapóst fyrir stuttu þegar honum barst afskorið eyra í pósti. Með eyranu var miði þar sem á stóð „Heyrirðu?“ en þessu uppljóstraði Leto nýlega í útvarpsþætti á stöðinni XFm.

„Ég hef aldrei komist að því hver sendi mér þetta en það vantar væntanlega einhvern annað eyrað þarna úti,“ sagði Leto sem sló á létta strengi í viðtalinu og sagðist nota eyrað sem hálsmen í dag.

Leikarinn er þessa dagana að kynna myndina The Dallas Buyer"s Club þar sem hann leikur HIV-smitaðan klæðskipting.