Leitar stuðnings hjá Gosling

Leikkonan Rachel McAdams er hætt með kærasta sínum til tveggja ára, leikaranum Michael Sheen. Hún ku vera í molum eftir sambandsslitin og leitar því eftir stuðningi hjá vinum og vandamönnum.

Samkvæmt heimildum Now Magazine er fyrrverandi kærasti hennar, Ryan Gosling, í þeim hópi en þau hafa verið góðir vinir frá því þau hættu saman árið 2008.

Leikkonan Eva Mendes, kærasta Goslings, er ekkert sérstaklega ánægð með þessa fjölgun símtala milli kærastans og McAdams.

Gosling hefur látið hafa eftir sér í viðtölum að McAdams sé stóra ástin í lífi sínu en þau kynntust við tökur á rómantísku myndinni The Notebook.